Restarting of the U.S.-Greenland Joint Committee Meetings, September 15, 2021

Pituffik pillugu isumaqatigiissuterput tapersersorniarlugu USA-p Kalaallit Nunaatalu akornanni ataatsimoorussamik pilersaarusiamut (“Common plan”-imut) atatillugu septembarip ulluisa 15-ianni USA-p Kalaallit Nunaatalu naalakkersuisa aallartitaat Nuummi naapipput. Nuummi ataatsimiittoqarnerani USA-p Kalaallit Nunaatalu Joint Committee aallarteqqippaat, ataatsimoorussamillu pilersaarusiaq naapertorlugu pisussaaffitik uppernarsaqqillugit. Ataatsimoorussamik pilersaarusiaq oktober 2020-mi atsiorneqarpoq.

USA-p Kalaallit Nunaatalu suleqatigiinnerat nukittorsarniarlugu suleqatigiinnerlu tamanut iluanaaruteqartoq qanillisarniarlugu, naalagaaffiit akornanni attaveqaqatigiinnikkut aammalu aqutsisoqarfiit naalakkersuisoqarfiillu akornanni suleqatigiinnikkut Joint Committeep ataatsimoorussamik pilersaarusiami anguniakkat anguniarsarissavai. Joint Committee Igalikumi 2004-mi isumaqatigiissummik atsioqatigiinnikkut pilersinnikuuvoq. Susassaqarfinni sisamani USA-p Kalaallit Nunaanilu innuttaasut ataqatigiinnerat annertusarniarlugu Joint Committee sulissuteqassaaq, susassaqarfiit taakku tassaapput: niueqatigiinneq aningaasaliinerlu, nukissiuutit aatsitassarsiornerlu pillugit suleqatigiinneq, ilinniarneq piorsarsimassuserlu pillugit suleqatigiinneq kiisalu ilisimatusarneq silallu pissusaa pillugit suleqatigiinneq.