Amerikap Danmarkillu attaveqarnerisa oqaluttuarisaanera

  1. Amerikap Danmarkillu attaveqarnerisa oqaluttuarisaanera
  2. Official Reports

Amerikap Danmarkillu attaveqarneranik eqikkaaneq

Danmark aamma Amerika 1801-imi attaveqaleqqaaramilli attaveqarnerat kipisuitsumik ingerlasimavoq. Danmarkip 1917-imi Dansk Vestindia, Karibiap imartaaniittoq, Amerikamut tunisimavaa; qeqertat maannakkut U.S. Virgin Islandsitut ilisimaneqarput. Danmark 1949-mi Atlantikup avannaani iligiit illersorniaqatigiiffiani (NATO) pilersitseqataalluni ilaasortaavoq.

Pisortatigoortumik akuersineq

Danskit Amerikamik pisortatigoortumik akuersinerat, 1792.

Danmarkip Amerika pisortatigoortumik akuerisimavaa, Amerikamiut Københavnimi Konsuuliata, Hans Saabyep, ulloq 9. juuni 1792 missaaniluunniit, Danskit naalakkersuisuinit pisortatigoortumik allakkatigut akuersissutaa tigummagu.

Konsuuleqarfikkut najuunneq

Konsuuleqarfikkut attaveqarnerup pilersinneqarnera, 1792.

Konsuuleqarfikkut attaveqarneq 9. juuni 1792-imi missaaniluunniit pilersinneqarsimavoq, Amerikamiut Københavnimi konsuuliata, Hans Saabyep, Danskit naalakkersuisuinit pisortatigoortumik allakkatigut akuersissut tigummagu.

Naalagaaffiit aallartitatigut attaveqarnerat

Naalagaaffiit aallartitatigut attaveqarnerannik pilersitsineq, 1801.

Naalagaaffiit aallartitatigut attaveqarnerat 12. oktobari 1801-imi pilersinneqarsimavoq, Danskit Ministeriata Amerikami najugaqartup Naalagaaffimmit aallartitatut piginnaatitsissutit Amerikami naalakkersuisunut saqqummiummagit.

Gesandteqarfik, Københavnimi pilersinneqarpoq, 1827.

Amerikamiut gesandteqarfia, Københavnimi 20. septembari 1827-mi pilersinneqarsimavoq, nunanut minnerusunut naalagaaffiup aallartitaata (Chargé d’Affaires) Henry Wheatonip, Danskit naalakkersuisuinut naalagaaffimmit aallartitatut piginnaatitsissutit saqqummiummagit.

Gesandteqarfik 1941-mi matuvoq.

Amerikamiut, gesandteqarfia, Københavnimi 20. decembari 1941 matuneqarpoq, Amerikap Tysklandillu sorsulernerisa kingorna. Tyskit sakkutuuisa illoqarfik ulloq 9. apriili 1940 tigusarisimavaat, Amerikamiullu Ministeriata Ray Athertonip, Københavni 5. juuni 1940 qimassimavaa. Atherton tamatuma kingorna Ottawa, Ontario, Canadami najugaqalerpoq, Amerikamiut Danmarkip naalakkersuisuinut Ministeritut, taannalu Tyskit pisortaannit aggusti 1943-mi tamakkerluni nakkutigineqalernissaa tikillugu danskinit tigummineqarpoq.

Gesandteqarfik 1945-mi ammaqqippoq.

Amerikamiut, gesandteqarfia, 16. juuni 1945 ammarneqaqqippoq, Danmarkip Tyskinit sorsunnersuup aappaata nalaani tigummineqareerluni aniguisitaanerata kingorna.

Gesandteqarfik 1947-mi Aallartitaqarfinngortinneqarpoq.

Københavnimi gesandteqarfik 18. marsi 1947-mi aallartitaqarfinngorlugu qaffanneqarpoq, Aallartitap Josiah Marvel, Jr.-ip, Naalagaaffimmit aallartitatut piginnaatitsissutit Danmarkimi naalakkersuisunut saqqummiummagit.