Amerikap – Kalaallit Nunaatalu Ilisimatusarnikkut suleqatigiinnerat

Amerika Kalaallit Nunaat akimorlugu ilisimatusarnermi misissuinernik assigiinngitsorpassuarnik pimoorussilluni ingerlassivoq, qallunaat aamma kalaallit suliffeqarfiutaannik aamma nunanit assigiinngitsunit suleqatinik peqateqarluni. Aningaasaliisartunut pingaarnernut ilaapput National Science Foundation (NSF), National Aeronautics and Space Agency (NASA), aamma National Oceanic and Atmospheric Administration (NOAA). Amerika Kalaallit Nunaanni atortunik ingerlatsivoq ilagalugit Summit Stationi. Ilisimatusarnermi atortut aalajangersimasut aamma suliniutit pillugit annertunerusumik paasissutissat, innersuussissutini ataani nassaarineqarsinnaapput.