Thule Air Force Base – Pituffik

Pituffimmi seqernup tarrilernera, ukiassariartulernera 2019. Asseq: State Dept.
Pituffimmi seqernup tarrilernera, ukiassariartulernera 2019. Asseq: State Dept.

Thule Air Base – Pituffik tassaavoq Amerikami sakkutuut, sakkutooqarfiat avannarpasinnerpaaq, qaasuitsup killeqarfianit avannamut 750 milesit (1.207.008 km) ungasitsigisumi inissisimasoq. Pituffimmi issittumi avatangiisit, nunap isikkuanik nunarsuarmi sumiluunniit nassaassaasunit alianaannerpaat ilaannik tunisisarput, ilagalugit North Star Bugtimi ilulissat inornartumik ataqqinarpaluttut, sermersuaq aamma Uummannap Kangerlua – nunarsuarmi sumiiffituaasoq sermit iigartartut pingasut imminut naapiffiat.

Thule Air Base – Pituffik 21st Space Wing-ip angerlarsimaffigaa, nunarsuaq tamakkerlugu maluginiutit ataqatigiiaat, North American Aerospace Defense Commandimut aamma Air Force Space Commandimut, raketinut kalerrisaarisut, avataarsuanik alapernaarsuisut aamma avataarsuanik nakkutilliisut. Thule Air Base – Pituffik aamma 821st Air Base Groupimut angerlarsimaffiuvoq, taanna Thulep illersornissaqarfiata iluani, “Team Thulep” inuinut nunanit assigiinngitsuneersut sakkutooqarfimmik tapersersuinissamut akisussaasoq. Sakkutooqarfik 12th Space Warning Squadronimut inisimaffiuvoq, taanna Raketinut nunap nutsuinera malillugu aallartinneqartartunut siusissukkut kalerrisaarinermut ataqatigiimmi aaqqissuussinermik (BMEWS) ingerlatsisuuvoq, Amerikap avannarliup tungaanut raketit nunavissuarmiit nunavissuarmut nunap nutsuinera malillugu aallartinneqartartunik maluginnittussanngorlugu aamma malinnaasussanngorlugu sananeqarsimasoq. Pituffik aamma 23rd Space Operations Squadronip Detachment 1-imut inisimaffiuvoq, 50th Space Wingip nunarsuarmi qaammataasanik nakkutilliinermut ataqatigiinnut ilaavoq. Taakkua saniatigut, mittarfipput nutaaliaasoq 10,000-fodsimik (3.048 km) mittarfeqarpoq aamma ukiumut Amerikamut nunanullu assigiinngitsunut timmisartornerit 3.000-it sinnertarpaat. Inaarutaasumik, Pituffik itisuumik umiarsualiviit avannarpasinnerpaamut inissisimaffiuvoq.

Thule Air Force Base – Pituffik, pillugu suli paasisaqarniarlutit una alakkarsinnaavat Peterson Air Force Basep nittartagaa imaluunniit DET1-ip nittartagaa.