Amerika aamma Kalaallit Nunaat

Nuummi seqineq tarrilersoq
Nuummi seqineq tarrilersoq

Amerikap Kalaallit Nunaatalu uummaarissumik peqatigiinnertik suli annertusiartortippaat, attaveqarnerit nukittorsarlugit isumannaallisaanermut politikkimik nalinginnaasumik ukkataqarneq qaangingaatsiarlugu. Aggusti 2004-mi, Amerikamiut nunanut allanut Ministeriat Colin Powell, Danskit nunanut allanut Ministeriat Per Stig Møller aamma Namminersornerullutik Oqartussani Naalakkersuisut siulittaasuata tullia Josef Motzfeldt Igalikumi, Kalaallit Nunaanni, Kalaallit Nunaata illersornissaanut isumaqatigiissut 1951-imeersoq nutarterneqarsimasoq aamma politikikkut nalunaarutit suli allat marluk, Amerikap Kalaallit Nunaatalu akornanni suleqatigiinnernik annertunerulersitsisut aamma itisiliisut atsiorniarlugit ataatsimiissimapput. Piviusumik, Igalikumi Isumaqatigiissutit Joint Committeemik pilersitsipput, taanna Amerikap, Danmarkip aamma Kalaallit Nunaata akornanni politikikkut suliassaqarfiit assigiinngitsut akimorlugit atuuffeqarpoq, ilagalugit avatangiisit, ilisimatusarneq, peqqinnissaq, teknologii, niuerneq, takornariaqarneq, ilinniarneq aamma piorsarsimassuseq.

Amerikap nunanut allanut ministeria maaji 2019-imi nalunaaruteqarpoq, nunanut allanut ministereqarfiup Kalaallit Nunaanni atajuartumik najuunnera pilersinneqaqqissasoq. Anguniakkamut tassunga pingaarutilimmik ilaavoq, Kalaallit Nunaannut tunngasumik aallartitaqarnikkut suliffimmik nutaamik pilersitsinissaq. Kalaallit Nunaannut tunngasumik officerip piffissani Københavnip Kalaallit Nunaatalu akornanni avittassavaa, aamma Amerikap Kalaallit Nunaatalu akornanni attaveqarnerup annertusineqarnissaanut aamma itisilerneqarnissaanut periarfissanik ujarlernissamut piginnaatitaavoq. Sammisat ukkatarineqartut pingaarnerit tassaapput niuernikkut aamma aningaasaqarnikkut atassuteqarnerit annertusinissaat, pissutigalugu, Kalaallit Nunaat suliassaqarfinni soorlu takornariaqarnermi, aatsitassarsiornermilu aningaasarsiornerup assigiinngisitaartuunissaanik ujartuimmat. Ilinniartitaanermi aamma ilisimatusarnermi misissuinerit iluani peqatigiinnerit annertusineqarnissaannik Amerika aamma siunertaqarpoq. Amerikap soqutigisai pillugit Kalaallit Nunaanni innuttaasunut, pisortatigoortumik aallartitaqarnermi suliat aqqutigalugit paasissutissiinissaq, aamma Amerikap anguniagaraa pingaarutilik. Suliat taamaattut uani Instagram @uskalaallitnunaannimalinnaaffigisinnaavatit.

Amerikap aamma Kalaallit Nunaata akornani attaveqarneq suli annertusiartorpoq, pitsanngoriartorpoq, sulilu tamatigoorneruleriartorluni. Amerikap Kalaallit Nunaanni suliaanut ilaapput pisortatigoortumik tikeraartarnerit, inuit akornanni paarlaateqatigiittarnerit, paasisimasalinnik tusarniaasarnerit, aatsitassanik isumalluutit pillugit suleqatigiinnerit, avatangiiseq, ilisimatusarneq, nukissiuuteqarneq, teknologii, peqqinnissami ajornartorsiutit, sillimanissamik tapersersuineq aamma nunanut allanut attaveqarnermi naalagaaffimmilu sinniisuutitap tikeraartarneri