Nunanut allanut amerikkarmiut naalakkersuisuat

Mike Pompeo Amerikkarmiut nunanut allanut naalakkersuisussaattut ivertinneqarpoq Apriilip 26ani 2018. Siornatigut nunanut allanut pissutsinut paasiniaaqqissartarfianut CIA-mut Januaarip 2017 mit apriilip 2018 tungaanut ittuusimavoq. Trumpip naalakkersuisuuneranut ilanngutinnginnermini Mr. Pompeo Naalagaaffimmi Kansasimi qineqqusaarfinni sisamassaani naalakkersuisuusimavoq. Naalakkersuisuni paasiniaaqqissaartarfiup ataatsimiititaliami ilaasortaasimavoq (House Intelligence Committee), aamma nukissiornermut niuernermullu ataatsimiititaliami ilaasortaasimalluni, kiisalu 2012mi Benghazi-mi pisimasumut pillugu ataatsimiititaliami (House Select Benghazi Committee) Ilaasortaasimalluni. Amerikkami nalagaaffeqatigiiffiata naalakkersuisooqatigiivini sulilinnginnermini Mr. Pompeo timmisartunut qaammammuliaatinullu atortunik tunisassiorfimmik Thayer Aerospacemik atilimmik pilersitsisimavoq, ukiunilu qulit sinnerlugit ittuuffigisimallugu (CEO). Tullinnguullugulu imaarsaatinik pullaatinik Uuliasiortunut atortunik tunisassiorfimmi Sentry Internationalmi qullersanngorsimalluni (Precident). Sakkutuutut 1986mi amerikkarmiut sakkutooqarfiata ilinniarfiani West Pointimi atuaqatimini pikkorinnersaalluni naammassinikuuvoq. Berlinimi sakkutuut naalagaattut atorfeqarsimavoq iigarsuaq Berlinimiittoq sorsunnersuup kingorna sananeqarnikoq, nakkutigisaralugu.

Aamma sakkutuujusimavoq amerikkarmiut sakkutooqarfiisa immikkoortup sisamaanni (Fourth Infantry Division ) Fort Carson, Coloradomiittumi, sakkutuut histerlutik immikkoortut arfinneq aappaat (7th Cavalry), eqimattat aappaat (2nd Squadron). Sakkutuutut naammassimmat Mr. Pompeo eqqartuussisuserisutut Harvard Eqqartuusisuserisutut Ilinniarfissuani allagartartaarpoq, atuarnermilu nalaani ilinnirfissuup nutaarsiassaqarfiani (Harvard Law Review) aaqqissuisutut atorfeqarsimavoq. Mr. Pompeo Orangemi, Californiami Decemberip 30ani 1963mi inunngorsimavoq. Nulianilu Susan Pompeo erneraat Nick.