Uagut attaveqarnerput

Amerikami Naalagaaffeqatigiit, Kunngeqarfiullu Danmarkip akornanni attaveqarneq nukittuvoq aamma sivisuvoq. Amerikami Naalagaaffeqatigiit, Danmarkillu soqutigisaat naapipput amerlasuutigullu assigiillutik. Taakkununnga ilaapput, niuerneq, illersornissaq, inatsisinik atortitsineq, nunarsuaq tamakkerlugu inuit pisinnaatitaaffiinik tapersersuineq, ingasaassiniartumik nakuusernerup akiorneqarnera, inuiaqatigiit nukittorsarneqarnerat, nunarsuaq tamakkerlugu kissatsikkiartornerup sunniutaanik akiuineq millisitsinerlu aamma sammisat allarpassuit.

Amerikami Naalagaaffeqatigiit, Kunngeqarfiup Danmarkip ilaanik tamanik suleqateqarpoq, nunat aamma inuiaqatigiit eqqarsaatigalugit. Aallartitaqarfimmi atorfillit Kalaallit Nunaannut Savalimmiunullu tikeraartarput pisinnaasartillu tamaat innuttaannik peqateqartarlutik. Assinganik, aallartitaqarfik Danmarkip iluani nunap ilaani nukittunerusumik attavissarsiortarpoq. Tamanna pisarpoq Danmarkip ilaanut tamanut tikeraartarnikkut, kisiannilu Danmarkimi internetimi aqqutit arlallit atorlugit aamma innuttatta akornanni suliamut atatillugu avitseqatigiinnermut pilersaarutit amerlasuut aqqutigalugit.

Soqutigisaqaqatigiit assigiinngisitaartut katitigaaqisullu suleqatigisarpagut. Danmarkimi, Kalaallit Nunaanni Savalimmiunilu naalakkersuisut saniatigut, sumiiffimmi kommunit, suliniaqatigiiffiit naalakkersuisutiguunngitsut arlalissuit, suliffeqarfiit, piorsarsimassutsikkut suliffeqarfiit aamma ilinniarfiit. Aallartitaqarfik naalagaaffeqatigiinnermi sullissivinnut amerlasuunut angerlarsimaffiuvoq, taakku tamarmik immikkut Amerikami Naalagaaffeqatigiit, Kunngeqarfiup Danmarkip aamma naalagaaffitsinni innuttaasut akornanni attaveqatigiinnerit atatinneqarnerinut aamma nukittorsarneqarnerinut pingaaruteqarput.

Upperaarput qanittumik attaveqateqarnerit, isummanik ammasumik aamma ilumoortunik oqaaseqartarnernik tunngaveqartut. Tassunga atatillugu, Amerikami Naalagaaffeqatigiit, uagut nunanut allanut politikkerput, aamma tamaani Danmarkimi suliagut pillugit oqaaseqaatit apeqqutillu tikilluaqquagut.

Amerikamut Aallartitaqarfimmi Pisortaat