Monica Bland
Nuummi Aallartitaq
Amerikkami Naalagaaffeqatigiit Kalaallit Nunaanni sinniisoqarfik
Monica Bland Nuummi Amerikamiut Sinniisoqarfianni konsulinngorpoq juli 2023. Taanna sioqqullugu Monica Washington DC-imi Amerika Qiterlermi nuuttarneq pillugu peqqutit misissorneqarnerani aqutsisuuvoq. Aqutsinermini 2022 Warren Christopher Award for Outstanding Achievement Global Affairs-imiit suliaminik angusarissaarnermini akissarsititaavoq. Amerikamiut Aallartitaqarfiat Jerusalem-imi immikkoortortaqarfik Tel Aviv-imi eqqissineqarnissamut allaffeqarfimmi aqutsisuunikuuvoq, Amerikamiut Aallartitaqarfiat Minskimiittumi politikkimut aningaasaqarnermullu allaffeqarfianni aamma aqutsisuunikuuvoq. Amerikamiut Aallartitaqarfii Kosovomi, Ukraine, aammalu Bosnien-Hercegovinami aamma sulinikuuvoq. Washington DC-mi Israel aamma Palæstinamut tunngasunut suliaqarnikuuvoq.
Amerikamiut Nunanut Allanut Ministeriaqarfianni atorfininnginnermini, Monica National Democratic Institute Washington DC-miittumi Sovjetunionikumi nunat assigiinngittut ataani sulinikuuvoq, Ruslandimi Peace Corpsini kajumissutsiminik aamma suleqataanikuuvoq. Monica ilinniarnermi atatillugu Amerikamiut Aallartitaqarfiat Københavnimi praktikernikuuvoq ukiut 20-it qaangiummata. Tassanilu praktikkerninni atatillugu Igalikumi isumaqatigiissut 2004-meersumut ineriartoqataanikuulluni. Danskisut, russiskitut aammalu serbiskitut oqalussinnaavoq. Eqqumiitsuliornermi bacheloreqarpoq Bethany College Lindsborg Kansasimiit, Kandidateqarlunilu ilisimatusarneq nunat allat pillugit kiffartuussinermut, Georgetown Universitetimiit. Norfolk, Nebraskaminngaanneersuuvoq, aamma amerikamioq aallakaatitisisoq Johnny Carson tassanngaannersuuvoq.