Illinniarnermut atatillugu suliffimmiinnerit

Amerikamiut Københavnimi Aallartitaqarfiani ilinniartut suliffeqarfimmut tunniussinnaasaat isumassarsiaallu pingaartippagut qujanartillugillu. Ilutigalugu ilinniartut ilinniakkaminnik naammassitinnatik suliffeqarfeqarfimmik nammineq misigisaqarnissaat pisariaqartoq miserratiginngilarput. Aamma nunat aamma kulturit assigiinngitsut akornanni misigisaqarnissaq pingaartittorujussuuarput. Tamakku pissutigalugit Amerikamiut Københavnimi Aallartitaqarfiat ilinniarnermut atatillugu suliffimmiiffissanik arlalinnik neqerooruteqarput:

Amerikami innuttaasut

Amerikami innuttaasut ilinniarfittut piginnaatinneqartunut imaluunniit universitetinut nalunaarnissamut akuerineqarsimasut imaluunniit ilinniartut tiguneqarsimasut ilinniarnermut atatillugu suliffimmiinnissamut qinnuteqarsinnaapput. Amerikamiut Københavnimi Aallartitaqarfiani ilinniarnermut atatillugu suliffimmiinnerup Amerikamiut ilinniartut Amerikamiut Aallartitaqarfiani suleriaasaanik pitsaalluinnartumik paasisimasaqalersitsivoq kiisalu kulturinik assigiinngitsunik annertuumik misigisaqartitsilluni. Tigusaanissamut piumasaqaatit pillugit paasissutissanut aamma qanoq qinnuteqarsinnaanermut una alakkarsinnaavat http://careers.state.gov.

From left to right, top to bottom: Embassy staff and interns at the Roskilde Festival; Caroline Wozniacki and Joachim B Olsen; US rock band Titus Andronicus; Arnold Schwarzenegger, President Obama; at Thule Airbase; inside Thule Airbase; at a reception. Photo: State Dept
From left to right, top to bottom: Embassy staff and interns at the Roskilde Festival; Caroline Wozniacki and Joachim B Olsen; US rock band Titus Andronicus; Arnold Schwarzenegger, President Obama; at Thule Airbase; inside Thule Airbase; at a reception. Photo: State Dept

Amerikami innuttaanngitsut Danmarkimi ilinniartut

Ilinniartut Danmarkimi najugaqartut aamma ilinniartut, Amerikami innuttaanngitsut Aallartitaqarfimmi ilinniarnermut atatillugu suliffimmiinnissamut qinnuteqarsinnaapput. Ilinniartunut Danmarkimi najugaqartunut ilinniarnermut atatillugu suliffimmiinneq Amerikamiut Aallartitaqarfiani inuunermik misiliinissamut periarfissiivoq. Ilinniarnermut atatillugu suliffimmiittut Amerikamiut nunanut allanut politikkianik aamma Amerikamiut Aallartitaat suleqatigalugit nunat assigiinngitsut akornanni avatangiiseqarluni sulinermik misilittagaqalertarput. Ilinniarnermut atatillugu suliffimmiikkusuttut atorfiit inuttassarsiorneqaraangata toqqaannartumik aallartitaqarfimmut qinnuteqartarput. Atorfiit inuttassarsiorneqartut aamma piumasaqaatit pillugit suli paasissutissanut una alakkarsinnaavat Foreign National Student Internship Program Page.

Niuernermut Ministeeriaqarfimmi nunani allani niuernermut kiffartuussinermi sulinermut atatillugu suliffimmiinnerit

Takuuk http://export.gov/denmark/internships/index.asp Amerikami innuttaasunut aamma Amerikami innuttaanngitsunut ilinniarnermut atatillugu suliffimmiinneq pillugu paasissutissat.