Tapiissutinut minnernut pilersaarut

Pisortanut tunngassuteqartut (PA) tapiissutinut minnernut pilersaarutaat aqqutigalugu, Amerikamiut Aallartitaqarfiat Københavnimiittoq eqqumiitsuliornikkut kulturikkullu isiginnaartitsinernut, ilinniartitaanermi suliniutinut aamma suleqatigiiffiit naalakkersuisunut attuumassuteqanngitsut (NGO) suliniutaannut, Amerikamiut nunanut allanut politikkianik kulturianillu siuarsarnissaanik annertunerusumillu nassuiaanissamik aamma pingaartitsinermik siunertaqartunut ilaannakuusumik tapiissuteqartarpoq.

Aallartitaqarfiup siunnersuutit pitsaalluinnartumik nersornaatillit Amerikamiut Naalakkersuisuisa paaseqatigiilluni suleqatigiinnermik pilersitsinissamut anguniagaannik itituunik tapersersuisut nassiuteqqusarpai. Suliniutit sorliit tapiissuteqarfigineqassanersut aalajangiinermi, Aallartitaqarfiup Danskit kattuffii tamakkerlugit aamma assigiinngiiaassusaat eqqarsaatigisarpai – kulturikkut, suleqatigiiffiit naalakkersuisunut attuumassuteqanngitsut (NGO) aamma ilinniartitaanermut attuumassuteqartut – Danmarkimilu suleqatigiiffiit nunami sumiiffinni inuiaqatigiillu agguataarneri assigiinngitsut tapiissuteqarfiginissaat anguniartarpaa. Tapiissutinut minnernut pilersaarummut qinnuteqaatit 25,000 $-it qaangissanngilaat.

Qinnuteqarnissamut piffissat killililussat tassaapput:

  • 31. januaari
  • 30. apriili
  • 31. juuli
  • 31. oktobari

Malugiuk: Amerikamiut naalakkersuisui maannakkut aningaasat atorneqartussat ingerlaavartumik ukiumoortumik akuersisarput, taamaammallu Aallartitaqarfik aningaasat immikkoortinneqartut atorsinnaalernissaata tungaanut tapiissutit kinguartinnissaannut imminut piginnaatippoq.